920033973
16342
article

من الإنبوكس.. مش من حق حد يعرف مرتبك كام 

June 19, 2019    

 

 
رسالة من الإنبوكس:
أنا بشتغل مراقب خدمة عملاء، في يوم قررت مديرة قسم الموارد البشرية - تطبيقا لمبدأ الشفافية- تخلي المعلومات الخاصة بمرتبات الموظفين معلنة قدام الكل، وقالت إنها هتضيف مرتب كل موظف قدام اسمه في قاعدة البيانات الداخلية الخاصة بموظفين الشركة.
 
أنا مش مرتاح للفكرة، ولا الموظفين اللي معايا مبسوطين بالقصة ديه برضه، وعشان مرتباتنا متفاوتة حسب الأقدمية والخبرة والكفاءة وجودة الشغل، ماحدش فينا حابب فكرة إن الكل يعرفوا بالظبط هو بياخد كام.
 
أنا مؤمن بالشفافية، لكن مش حابب فكرة إن مرتبي يبقى معلومات معلنة، ديه حاجة خاصة بيني وبين الشركة، لو أنا بشتغل في مكان حكومي، مرتبي كان هيبقى معروف للكل، بس أنا ما اخترتش أشتغل في مكان حكومي....إيه العمل في رأيك؟
 
الرد: 
أنا متفقة معاك، الشركة لما تجي مرة تتفق مع استشاريين عشان يقدمولها مساعدة على سبيل المثال يحطولها خطط تعويضات تنفيذية، الاستشاريين دول بيتفقوا بعد مفاوضات مع الشركة على الفلوس اللي هياخدوها، ويبتبقى ديه صفقة خاصة بيهم، وماحدش تاني ليه علاقة الاستشاريين دول هاخدوا كام.
 
الشركة المحترفة واللي بتتصرف بشكل مهني بتقول من الأول في إعلان طلب الوظيفة المرتب بيتراوح بين كذا وكذا، لكن المرتب بالضبط مش من حق الشركة تعلنه، أنا شايفة إنه مش من حقها تاخد قرار من طرف واحد بإنها تخلي معلومة زي ديه معلنة.
 
صعب جدا على مديرة الموارد البشرية إنها تاخد قرار زي ده من غير ما تطلب رأي الموظفين، أنا رأي إنك تقعد مع مديرك ومع مديرة الموارد البشرية ومع مديرين تانيين في الشركة، وتقولهم رأيك ومخاوفك، اتناقشوا وممكن قوي تلاقي إنك مش المدي الوحيد اللي بيفكر بالطريقة ديه.
 
كمان مش منطقي إني أنشر مرتبات الموظفين بالظبط وأخلي الأرقام كلها معلنة تطبيقا لمبدأ العدالة والشفافية، وأعتدى على في الوقت نفسه على حق الموظفين في الخصوصية.
 
أنا بنصح كل الموظفين إنهم يتمسكوا بسرية تفاصيل مرتبهم لنفسهم، وما يسمحوش لحد يتعدى على الخصوصية ويعلن المعلومات ديه إلا بإذن شخصي منهم.
 
وهنا خليني أقدم اقتراح أفضل عشان نعالج المشكلة ديه: بدل ما يتم الإعلان عن المرتب الفعلي لكل موظف، ممكن المسئولين في الشركة يقرروا يعلنوا عن الحد الأدنى والأقصى لمرتب كل منصب في الشركة، ويوضحوا العوامل أو الأسباب إلي تخلي الموظف يتقدم ومرتبه يعلى لحد ما يوصل للحد الأقصى.
 
تطبيق الاقتراح ده هيبقى أفيد وأكثر منطقية بكتير من إعلان رقم كل مرتب بالتفصيل.
بس لازم الشركات العامة تشارك تفاصيل تعويضات المديرين التنفيذيين الأعلى أجرا في الشركة، لأن ديه هتبقى خطوة كويسه، عشان من حق الموظفين والعملاء وأفراد المجتمع كمان يعرفوا إيه إلي بياخده أكبر وأعلى شخصيات في المؤسسة، لكن أبعد من كده ده بيبقى قرار شخصي، يعني يرجعلك إنت كموظف إنك تقرر لو عايز تشارك رقم مرتبك مع الغير ولا لأ؟.
أتمنى لك كل الخير، وبالتوفيق

 

من الإنبوكس.. مش من حق حد يعرف مرتبك كام 
 
رسالة من الإنبوكس:
أنا بشتغل مراقب خدمة عملاء، في يوم قررت مديرة قسم الموارد البشرية - تطبيقا لمبدأ الشفافية- تخلي المعلومات الخاصة بمرتبات الموظفين معلنة قدام الكل، وقالت إنها هتضيف مرتب كل موظف قدام اسمه في قاعدة البيانات الداخلية الخاصة بموظفين الشركة.
 
أنا مش مرتاح للفكرة، ولا الموظفين اللي معايا مبسوطين بالقصة ديه برضه، وعشان مرتباتنا متفاوتة حسب الأقدمية والخبرة والكفاءة وجودة الشغل، ماحدش فينا حابب فكرة إن الكل يعرفوا بالظبط هو بياخد كام.
 
أنا مؤمن بالشفافية، لكن مش حابب فكرة إن مرتبي يبقى معلومات معلنة، ديه حاجة خاصة بيني وبين الشركة، لو أنا بشتغل في مكان حكومي، مرتبي كان هيبقى معروف للكل، بس أنا ما اخترتش أشتغل في مكان حكومي....إيه العمل في رأيك؟
 
الرد: 
أنا متفقة معاك، الشركة لما تجي مرة تتفق مع استشاريين عشان يقدمولها مساعدة على سبيل المثال يحطولها خطط تعويضات تنفيذية، الاستشاريين دول بيتفقوا بعد مفاوضات مع الشركة على الفلوس اللي هياخدوها، ويبتبقى ديه صفقة خاصة بيهم، وماحدش تاني ليه علاقة الاستشاريين دول هاخدوا كام.
 
الشركة المحترفة واللي بتتصرف بشكل مهني بتقول من الأول في إعلان طلب الوظيفة المرتب بيتراوح بين كذا وكذا، لكن المرتب بالضبط مش من حق الشركة تعلنه، أنا شايفة إنه مش من حقها تاخد قرار من طرف واحد بإنها تخلي معلومة زي ديه معلنة.
 
صعب جدا على مديرة الموارد البشرية إنها تاخد قرار زي ده من غير ما تطلب رأي الموظفين، أنا رأي إنك تقعد مع مديرك ومع مديرة الموارد البشرية ومع مديرين تانيين في الشركة، وتقولهم رأيك ومخاوفك، اتناقشوا وممكن قوي تلاقي إنك مش المدي الوحيد اللي بيفكر بالطريقة ديه.
 
كمان مش منطقي إني أنشر مرتبات الموظفين بالظبط وأخلي الأرقام كلها معلنة تطبيقا لمبدأ العدالة والشفافية، وأعتدى على في الوقت نفسه على حق الموظفين في الخصوصية.
 
أنا بنصح كل الموظفين إنهم يتمسكوا بسرية تفاصيل مرتبهم لنفسهم، وما يسمحوش لحد يتعدى على الخصوصية ويعلن المعلومات ديه إلا بإذن شخصي منهم.
 
وهنا خليني أقدم اقتراح أفضل عشان نعالج المشكلة ديه: بدل ما يتم الإعلان عن المرتب الفعلي لكل موظف، ممكن المسئولين في الشركة يقرروا يعلنوا عن الحد الأدنى والأقصى لمرتب كل منصب في الشركة، ويوضحوا العوامل أو الأسباب إلي تخلي الموظف يتقدم ومرتبه يعلى لحد ما يوصل للحد الأقصى.
 
تطبيق الاقتراح ده هيبقى أفيد وأكثر منطقية بكتير من إعلان رقم كل مرتب بالتفصيل.
بس لازم الشركات العامة تشارك تفاصيل تعويضات المديرين التنفيذيين الأعلى أجرا في الشركة، لأن ديه هتبقى خطوة كويسه، عشان من حق الموظفين والعملاء وأفراد المجتمع كمان يعرفوا إيه إلي بياخده أكبر وأعلى شخصيات في المؤسسة، لكن أبعد من كده ده بيبقى قرار شخصي، يعني يرجعلك إنت كموظف إنك تقرر لو عايز تشارك رقم مرتبك مع الغير ولا لأ؟.
أتمنى لك كل الخير، وبالتوفيق


مقالات مشابهة

المزيد
الدون.. التوربينى.. وحده وحده كرستيانو رونالدو..
الدون.. التوربينى.. وحده وحده كرستيانو رونالدو..

الدون.. التوربينى.. وحده وحده كرستيانو رونالدو..

انت شاطر.. بس فوت علينا بكرة!
انت شاطر.. بس فوت علينا بكرة!

    بنسمع كتير من كل اللي بيتكلم عن فن القيادة

الشغل من البيت.. تجربة واقعية
الشغل من البيت.. تجربة واقعية

"نفسي قوي ألاقي شغل من البيت ومرتبي يبقى كويس".."مفيش

5 خطوات للتعامل بإيجابية مع التقييم السلبي في العمل
5 خطوات للتعامل بإيجابية مع التقييم السلبي في العمل

بيهتم عدد كبير من الشركات أنهم يقيموا أداء الموظفين

الأكثر قراءة

المزيد
مراحل ترقي الـ HR: من HR Coordinator ل HR Director
مراحل ترقي الـ HR: من HR Coordinator ل HR Director

تعتبر وظيفة الـ HR واحدة من الوظائف المطلوبة بقوة في

أفضل 6 أفلام عن البيزنس لرواد الاعمال
أفضل 6 أفلام عن البيزنس لرواد الاعمال

يمكن الهدف الأساسي اللي بيخلينا نشوف فيلم أو مسلسل هو

التعليم في الصغر كالنقش على الحجر
التعليم في الصغر كالنقش على الحجر

 دايماً بنسمع مقولة "التعليم في الصغر كالنقش على

شركات تنافس اوبر وكريم
شركات تنافس اوبر وكريم

بتعتبر شركة اوبر وكريم من الشركات الناجحة فى السوق

"ماكدونالدز" و"برجر كينج".. الصراع على عرش البرجر

في مايو اللي فات، قدمت سلسلة مطاعم "برجر كينج" 5 وجبات

ليه كورسات أكاديمية إعمل بيزنس أون لاين ؟
ليه كورسات أكاديمية إعمل بيزنس أون لاين ؟

    لاحظنا تزايد أسئلة الأعضاء بخصوص إن ليه

اسباب فشل الشركات الناشئة
اسباب فشل الشركات الناشئة

عالم ريادة الأعمال عالم كبير شبيه بالمدرسة أو الجامعة

تطبيقات مهمة للبزنس
تطبيقات مهمة للبزنس

تطبيقات مهمة للبزنس.. على موبايل أي رائد أعمالمن

بطريقة سهلة ... ازاي تكتب إميل احترافي 
بطريقة سهلة ... ازاي تكتب إميل احترافي 

    كتابة إميل بشكل احترافي بتعتبر من الأساسيات