920033973
16342
article

مين مايعرفش شركة "أولكر"

March 17, 2019    

 

مين مايعرفش شركة "أولكر" ؛ يعرفوها أكتر فئة الشباب لحد الأربيعنات اللي اتعودوا من صغرهم على بسكويت أولكر جنب كوباية الشاي بلبن على الفطار :).

 

"أولكر" هى شركة للمنتجات الغذائية منشأها دولة تركية وأشهر منتجاتها البسكويت ورقائق الفطار واللي بتوصل ارباحها السنوية لأكتر من 800 مليون دولار.
 
"صبري أولكر" كان متعود من صغره أثناء أجازة الدراسة يشتغل في مصنع البسكويت لحد ما اتخرج من كلية التجارة وقرر سنة 1944 إنه يفتح ورشة صغيرة لتصنيع البسكويت مكونة من 3 عمال هما "صبري" وأخوه وأمه، وكانت بيستخدموا خطه ذكية جداً وهى إنهم يوزعوا جزء من إنتاج المصنع على الأطفال مجاناً ؛ ودا لأن الأطفال هما الفئة المستهدفة لمنتجاتهم.
لو تلاحظوا دا برضك اللي بيعملوه شركات كتير دلوقتي وأشهرهم شركات الأغذية لما بتلاقيهم في الهايبر ماركت عاملين حملات تذوق بشكل مجاني لمنتجاتهم علشان يجذبوا الزباين إنهم يشتروا منتجاتهم.
 
وفعلا الخطة اللي كانوا ماشيين عليها نجحت وسمعت جامد خاصة مع الأطفال ؛ ودا أدى إنهم يفتحوا أول مصنع سنة 1948 بضعف عدد العمالة ؛ وخلال 32 سنة من الإجتهاد والعمل المتواصل والإدارة الفعالة وبناء قاعدة كبيرة من العملاء على مستوى تركيا قدروا إنهم ياخدوا خطوة التصدير ؛ ودلوقتي بيصدروا لأكتر من 110 دولة.
 
أول مراحل لشركة "ulker" إنها تكون international لما أسسوا أول مصنع للشركة في السعودية سنة 1999، وعلشان خطوة التوسعة اللي عملوها كانوا محتاجين ينوعوا من منتجاتهم ؛ ومن هنا جت خطوة الاستحواذ على شركة Godiva المتخصصة في تصنيع الشيكولاتة في صفقة وصلت قيمتها 850 مليون دولار.
 
ورغم النجاح ده إلا إن شركة "اولكر" زي أي شكة لازم تواجة مشاكل وصعوبات ؛ لكن المرا دي كانت مع الحكومة التركية لما اتصنفت الشركة على انها شركة اسلامية ودا كان بسبب "صبري أولكر" ومواقفه السياسية اللي على اساسها اتهمته الحكومة انه من المعارضين وبالتالي حصل عملية خنق على حركة البيع والتوزيع للشركة ودا سبب خسائر فادحة لشركة "أولكر".
 
من أكتر الحاجات اللي بنادي بيها في إعمل بيزنس إنك تسعى بقوة لتكوين قاعدة عملاء منتمية للبراند بتاعك، ودا اللي حصل مع شركة "أولكر" لما طلعت مظاهرات في الشوارع بتطالب برفع الحظر عن شركة "أولكر" وفعلا وافقت الحكومة التركية على طلبهم.
 
سنة 2012 توفي "صبري أولكر" لكن سايب وراه إدارة قوية وفعالة في الشركة على رأسها إبنه "مراد أولكر" اللي قاد حملة تطوير وتوسع للشركة وقدم منتجات جديدة زي حبوب ورقائق الفطار والقهوة ومنتجات الألبان والأيس كريم ؛ دا غير إطلاق منتج مشروب غازي بإسم Cola Turka اللي نال شهرة كبيرة على مستوى تركيا.
 
الشركة دلوقتي بيشتغل فيها اكتر من 11 ألف عامل وموظف ؛ دا غير إن الشركة دايماً بتتصنف في المراكز الأولى كأفضل شركة مصنعة للمواد الغذائية على مستوى تركيا، ودا لأنهم اشتغلوا كويس جداً على 3 نقاط مهمين هما:
- التسويق
- جودة المنتج
- الـ Supply Chain
 
قصة نجاح شركة "أولكر" مش قصة سهلة ؛ كان سر نجاحها هى قوة الإدارة ومدى فاعليتها والاستمرار في عملية التطور علشان تتبني إمبراطورية دامت لأكتر من 90 سنة، مفكرتش إنك تعتمد على السر ده إنه يكون هو كمان سر نجاحك؟
 
أكيد إنت كمان نفسك إن البيزنس بتاعك يوصل للنجاح زي شركة "أولكر"، هنا بيجي دورنا إننا نساعدك من خلال أكاديمية إعمل بيزنس اللي بتقدملك أكتر من 65 كورس في مجالات إدارية متنوعة زي التخطيط، إدارة المشروعات، التسويق، المبيعات، خدمة العملاء، النقل، التصدير.
 


مقالات مشابهة

المزيد
قصة نجاح هوندا
قصة نجاح هوندا

هوندا .... عندما تقودك الصُدفة إلى غزو السوق! بعد

قصة نجاح عظيم بريمجي
قصة نجاح عظيم بريمجي

من زيوت الطهي للبرمجة ...قصة نجاح "عظيم بريمجي" زي ما

قصة نجاح الطفلة ميكايلا أولمر
قصة نجاح الطفلة ميكايلا أولمر

بسبب قرصة نحلة.. ميكايلا أولمر مديرة تنفيذية في سن الـ

قصة نجاح هابي أور نوت
قصة نجاح هابي أور نوت

تجربة سيئة لطفل.. تتحول لشركة تكسب الملايينهل ممكن

الأكثر قراءة

المزيد
صفات القائد الناجح
صفات القائد الناجح

دكتور مجدي يعقوب محبوب جداً بسبب إنسانيته الغير

شركات نجحت بعد ان واجهت الفشل!
شركات نجحت بعد ان واجهت الفشل!

كل شركة ناجحة بيبقي في وراها بداية صعبة، عقبات، أزمات،

5 شركات نجحت خلال الأزمات الاقتصادية
5 شركات نجحت خلال الأزمات الاقتصادية

من الطبيعي أن تواجه الشركات تحديات كبيرة خلال فترات

قصة نجاح فوري من التأسيس للبورصة
قصة نجاح فوري من التأسيس للبورصة

في الكام يوم اللي فاتوا كان خبر طرح شركة "فوري" لـ36% من

قصة نجاح سليمان الراجحى
قصة نجاح سليمان الراجحى

واحد من أصحاب قصص النجاح العربية اللى بنقدمها وهو

الفشل هو نقطة إنطلاق لا مفر منها
الفشل هو نقطة إنطلاق لا مفر منها

النجاح بعد فشل 39 مرة الفشل هو نقطة إنطلاق لا مفر منها

قصة نجاح تويوتا – ج1
قصة نجاح تويوتا – ج1

تويوتا .. من صناعة النسيج إلى صناعة السياراتهنكلم

قصة نجاح ديور في مجال الموضة
قصة نجاح ديور في مجال الموضة

هنتكلم النهاردة عن قصة نجاح ماركة عالمية فى مجال

قصة نجاح عاصم علام مالك نادي هال سيتي الإنجليزي
قصة نجاح عاصم علام مالك نادي هال سيتي الإنجليزي

النهاردة هنتكلم عن قصة نجاح جديدة و شخصية نفتخر بها فى