FB Instagram Twitter Youtube Linkedin مراحل ترقي مسؤول الموارد البشرية: من مبتدء إلى خبير | أكاديمية اعمل بيزنس
 
الرجوع الى المدونة

مراحل ترقي مسؤول الموارد البشرية: من مبتدء إلى خبير

مراحل ترقي مسؤول الموارد البشرية: من مبتدء إلى خبير

مجال الـHR دلوقتي بقا من أكتر المجالات المطلوبة فى سوق العمل وبقا يتردد عليه كتير من حديثى التخرج واللي حابين يتخصصوا فى وظيفة ليها مستقبل ومسار وظيفي واضح. من خلال المقال ده هنساعدك تعرف كل اللي بيتعلق بالسلم الوظيفي للموارد البشرية، مراحل التدرج الوظيفي للـ HR، بالإضافة إلى ترتيب وظائف الموارد البشرية ومهامها.

المسميات الوظيفية لإدارة الموارد البشرية

إدارة الموارد البشرية hr department بتكون من مجموعة من الوظائف المختلفة، كل وظيفة بتختلف من حيث المهام المطلوبة منها، بالإضافة إلى مستوى الخبرة والمسؤليات الموكلة ليها. فى السطور اللى جاية هنأخدك خطوة بخطوة، من بداية تعينك كحديث تخرج فى مجال الموارد البشرية ومسماك الوظيفي ساعتها يبقي اسمه ايه، لحد لما تكون مدير إدارة موارد بشرية بيتمتع بالكثير من الصلاحيات والنفوذ.

التدرج الوظيفي للموارد البشرية\ مراحل ترقي الـ HR

الوصف الوظيفي للـ  HR Assistant أو بالـ hr coordinator مهام

أول ما هتبدأ الشغل لما تتعين هتكون HR Coordinator / HR Assistant

بيعمل إيه بقى :

بيشارك فى التخطيط وإعداد البرامج التنفيذية وكمان هيكل الرواتب لإدارة الموارد البشرية وبينفذها وبيسجل جميع قرارات التعيين والفصل والإستقالات والأجازات وبيعمل كشوف الترقيات والمرتبات ومسئول عن حفظ ملفات شئون العاملين وبيكتب تقارير التقييم السنوية ومسئول عن متابعة الحضور والإنصراف والغياب للموظفين .

وبعد كده بيترقى HR Specialist 

الوصف الوظيفي للـ HR Specialist

وده بيكون متخصص فى وظيفة أو أكثر زى التدريب أو التوظيف أو التقييم وممكن الـHR Specialist يتسمى باسم التخصص أو المهمة اللى بيعملها زى :

  • HR Recruiter :   وده بيكون مسئول عن الإختيار والتعيين من المتقدمين للوظيفة وتحديد الشخص المناسب لشغرها وكمان بيتولى مسؤولية interview process بالكامل.
  • Training & :HR Developmentوده بيكون مسئول عن التدريب وتطوير مهارات العاملين
  •  HR Compensation and Benefits Specialist: وده مسئول عن المزايا والتعويضات  في كافه المستويات الإدارية

الوصف الوظيفي للـ Senior HR Specialist

وبعدين Senior HR Specialist وده بيبقى بنفس إختصاصات الـ HR Specialist بس بيكون معاه صلاحيات اكتر لأنه بيكون المدير المباشر ليهم

وبعد كده هتكون HR Supervisor وده مشرف موارد بشرية وهو اللى بيشرف على الـ Orientation و الـ applicant interviews و الـ Retirement Workshop والتواصل مع الإدارات الاخرى بغرض تقديم المعلومات والمساعدة وبينسق عملية التوظيف وهو اللى بيقيم البرامج التدريبية.

الوصف الوظيفي للـ HR Assistant Manager

وبعد كده هتبقى HR Assistant Manager وده بقى مساعد مدير الـ HR

وده مسئول عن عمل الوصف الوظيفى لكل الوظائف اللي بتشغلها القوى العاملة في الشركة وبيتابع تقييم الاداء وبيعمل ميزانية الاجور وبيختار المقبولين فى الوظائف وبيتابع التطورات فى سوق العمل وبيشرف على برامج التدريب للموظفيين وهو المسئول عن كل الوظائف بقى بتاعه HR

الوصف الوظيفي للـ Senior HR Manager والـ HR Director

و بعدين هتترقى بعد كده وتبقى Senior HR Manager وده كبير مديرين الـHR وبمجهودك وشطارتك هتبقى بإذن الله HR Director وده مدير إدارة الموارد البشرية 

وهو بيقدم التوصيات لباقى الإدارات وبيقيم وبيشارك فى تنمية مهارات الموظفيين وبيحضر إجتماعات مجلس الادارة وبيشرف على كل اللي إتكلمتنا عليهم علشان يضمن تطبيق سياسات الشركة وهو اللى بيشرف على وضع الميزانية .

طبعاً مراحل الترقي ده كلها بتكون في كبرى الشركات أما الشركات المتوسطة والصغيرة بيكون فيها الـ positions أقل من كده ...

تقدر تعرف أكتر عن الوظائف المتاحة في قسم الموارد البشرية ومسؤولياتها وحدود التزاماتها من خلال الإطلاع على القسم الخاص التابع لنا، وفي القسم هتلاقي كل الموارد التعليمية اللي هتحتاجها عشان تتحول من مجرد مبتدء في المجال لخبير.

القسم بيضم 3 مستويات مختلفة، بيبدأ معاك في أساسيات الموارد البشرية، بعدين تتدرج في المستويات لحد ما تلاقي كل الكورسات اللي تقدر تأهلك لشغل المناصب الإدارية بسهولة.

تقدر كمان تزور دبلومة الموارد البشرية التابعة لأكاديمية إعمل بيزنس، وهي دبلومة شامل لكل ما يحتاجه المهتم بالمجال من مواضيع متخصصة ومواكبة لأهم التطورات العلمية الحديثة.

أكاديمية إعمل بيزنس هي أكاديمية رقمية متحصصة في تقديم المحتوى التعليمي أون لاين، وتعتبر من أولى الجهات اللي قدرت تقلل الفجوة ما بين نقص الموارد التعليمية في الوطن العربي وما بين التغيرات المستمرة في سوق العمل وحاجته لمهارات جديدة.

تقدر أنت كمان تدرس وتتعلم كل العلوم اللي انت محتاجها وده من خلال زيارة الصفحة الرئيسية للموقع، واللي هتلاقي فيها تشكيلة متنوعة من الكورسات المتخصصة في الإدارة وريادة الأعمال والموارد البشرية والإقتصاد، بالإضافة لكورسات المحاسبة واللغة الإنجليزية وتنمية الذات وغيرها.

احصل على كورسات الموارد البشرية مجانًا