ساعات بيحصل لناس كتير مننا في أماكن شغلهم إنه يكون عندهم تساؤلات ويخافوا يقولوها علشان ما حدش يقول عليهم إنهم جاهلين ومش مؤهلين بشكل كافي للمكانة اللي هما فيها، الحقيقة إن الموقف ده وغيره من المواقف المشابهة ما ينفعش نشوفهم بشكل عابر لأنهم يعتبروا نقطة ضعف عند شركات وفرق عمل وسبب أساسي في إن موظفين بيسيبوا المؤسسات اللي بيشتغلوا فيها.
في الأول هتحس إن الموضوع أبسط من إنه يكون نقطة ضعف والكلام الكبير ده، بس اللي تم اكتشافه من عشرين سنة بيقول عكس كده تمامًا، لأن في عام 1999 اتكلمت عالمة السلوك التنظيمي إيمي إدموندسون من جامعة هارفارد لأول مرة عن حاجة اسمها "السلامة النفسية لفرق العمل" وقالت إنها بتكون اعتقاد مشترك عند أعضاء الفريق بإن فريقهم آمن بشكل يسمح لهم بإنهم يخدوا قرارات فيها مخاطرة شخصية سواء كانت كبيرة أو صغيرة.
المفهوم ده أهميته بتيجي من إن بيئة العمل في الوقت الحالي بقى بيغلب عليها الطابع التعاوني والتشاركي وده معناه إن إنجاز أي شغل بقى بيحتاج تعاون أفراد عندهم خبرات مختلفة مع بعض وهنا لازم نستدعي السلامة النفسية لأنها بتتكلم عن كيفية تعاون الناس مع بعض علشان يحققوا نتيجة مشتركة كويسة، وده بيكون من خلال شعورهم بالثقة والراحة لأنهم عارفين إن مفيش حد في الفريق هيحرجهم أو يعاقبهم لو طرحوا أي سؤال، أو قدموا فكرة جديدة، أو حتى اعترفوا بارتكاب خطأ معين.
وترى إدموندسون إن يمكن تعزيز السلامة النفسية لأي فريق عمل من خلال التعامل مع العمل بوصفه مشكلة نود حلها والتعلم منها وليس مشكلة نرغب في حلها علشان نخلص منها، بالإضافة إلى تبني كل فرد في الفريق لنموذج الفضول وطرح كثير من الأسئلة، ومساعدة كل عضو على الاعتراف بأخطائه.
ومع اهتمام كتير من المؤسسات بتطبيق الطرق الفعالة للعمل التشاركي بقى مهم تسليط الضوء على السلامة النفسية لفرق العمل وإزاي ممكن نخلقها جوا مؤسساتنا لأنها من مقومات نجاح أي شركة، وهي كالآتي:
وفي النهاية، عايزين نأكد على إن خلق وتطبيق السلامة النفسية لفرق العمل بيحتاج لشوية وقت لحد ما الموظفين يتفعلوا معاها، وإنه بمجرد ما ده بيحصل هنلاقي إن أداء الشركة بيتحسن وبيتأثر بشكل إيجابي سواء من ناحية النمو وفاعلية الأداء، أو رغبة الأفراد في التعلم والمساهمة في تطويرها.
ليه تدي الرجالة إجازة ابوة مدفوعة الأجر؟أعلنت شركة
التحرش في أماكن العمل.. جرائم مسكوت عنها إحساس القلق
الوظيفة بدوام كامل أو الـ full-time ببساطة عبارة عن اتفاق
موظف بيصحى ستة الصبح يلبس بسرعة، وينزل جري عشان يلحق
تعتبر وظيفة الـ HR واحدة من الوظائف المطلوبة بقوة في
يمكن الهدف الأساسي اللي بيخلينا نشوف فيلم أو مسلسل هو
كتابة إميل بشكل احترافي بتعتبر من الأساسيات
بتعتبر شركة اوبر وكريم من الشركات الناجحة فى السوق
على الرغم من أهمية برانامج الـ Microsoft Office وضرورة
في مايو اللي فات، قدمت سلسلة مطاعم "برجر كينج" 5 وجبات
زمان كان فى مثل مشهور بيقول سهل انك توصل للقمة بس صعب
تطبيقات مهمة للبزنس.. على موبايل أي رائد أعمالمن
عالم ريادة الأعمال عالم كبير شبيه بالمدرسة أو الجامعة