عدة موظف الـ HR

موظف الـHR شرير .. من الصور الذهنية عن معظم الموظفين والعمال بالشركات، ويمكن ده يكون بسبب أن هو اللي بينفذ الخصومات ويتابع الحضور والإنصراف وبيكون ليه دور أساسي في أهم أيام دورة حياة الموظف وهو يوم نزول المرتب، بس احنا هنساعد موظف الموارد البشرية أكتر في شغله لأن احنا مؤمنين بدورهم المؤثر من خلال ان احنا نقترح عليهم العدة اللي ممكن تكون مساعدة ليهم سواء كان coordinator أو Specialist أو supervisor وافتكروا دايماً أن الأسطى الشاطر بيحتاج عدة تمام.

المنتدى العربي لإدارة الموارد البشرية https://hrdiscussion.com

ده أهم منتدى و موقع عربي فيه إصدارات و نماذج مجانية و خدمات و إصدارات أخرى بمقابل.

- لو عايز موقع يتيح ليك الدخول على آلاف المقالات، دراسة الحالات، نشرات يومية والدخول في مناقشات مع موظفين موارد بشرية من مختلف أنحاء العالم، وكمان تقدر تشوف 5 فيديوهات لخمس مؤتمرات موارد بشرية اتعملوا قبل كده وتحضر ندوة اون لاين مباشر ده غير طبعاً آلاف ال templates اللي بتخص شغل الموارد البشرية وكل ده ببلاش تقدر تزور موقع https://www.hr.com ، والموقع فيه خدمات مجاناً وخدمات بمقابل.

- كتير من موظفين الموارد البشرية بيواجهوا أسئلة كتير زي ازاي يبلغوا زمايلهم بأخبار مؤسفة أو إزاي يعملوا نظام لقياس الأداء أو ازاي يتصرفوا في التفاوض حول المرتب أو ازاي يكسبوا ثقة زمايلهم في الشغل أو إزاي يتصرفوا في حالة فصل موظف وأسئلة كتير تانية كل إجاباتها من خلال https://www.hrbartender.com/ ، واجابات الأسئلة موجودة في ال free resources غير كده باقي الخدمات بفلوس.

- موقع http://davidburkus.com/resources/ يوفر الإشتراك في أكتر من 100 نشرة دورية حول مختلف موضوعات الإدارة وإزاي تحسن من أدائك سواء كنت مدير أو موظف بالإضافة لموقع آخر مختص بالإدارة بشكل عام و منها الموارد البشرية.

http://www.free-management-ebooks.com/

- أما موقع http://qandidate.com/how-it-works/ يعتبر كنز حقيقي لموظف الموارد البشرية المسئول عن التوظيف، وبيساعد على تنظيم المقابلات ونتائجها، وكمان بيوفرلك إمكانية إنك تعمل صفحة على الويب بإسم شركتك عشان الناس تقدم من عليها.

- لو بتحس ان في أسئلة من الصعب توجهها لمديرك زي انك تبلغه إنك مش حاسس أن المكان بيضيفلك جديد، أو الزيادة هتنزل امتى، الموقع ده بيجاوبلك على الأسئلة دي أو بمعنى أصح بيوضحلك ازاي تسألها بجانب إمكانية انك تقدر توجه سؤال مباشر لخبراء الموارد البشرية الموجودين على الموقع http://www.askamanager.org/

كمان دي 3 كتب قدرنا نجمعهالكم فيما يخص مجال الموارد البشرية.

- دليل تحفيز الموظفين من جامعة كولاردو https://goo.gl/1QWYPo

- كتاب عن أفضل ممارسات قسم الموارد البشرية https://goo.gl/tN2LtY

- كتاب عن إدارة الموارد البشرية في القرن الواحد والعشرين https://goo.gl/pNx1Ar

- كتاب جاري ديسلر Gary Dessler - Human Resource Management (14th Edition)

جاري ديسلر ده الأب الروحي للموارد البشرية

https://goo.gl/TNdEpG

وبكده دي تكون مجموعة من الأدوات اللي هتساعد موظف الHR  على تنفيذ شغله بشكل سليم وتوفر الوقت منشن لصاحبك اللي شغال HR واستنونا الحلقة الجاية من عدة البيزنس مع عدة موظف الحسابات