FB Instagram Twitter Youtube Linkedin مراحل ترقي الـ HR | أكاديمية اعمل بيزنس
 
الرجوع الى المدونة

مراحل ترقي الـ HR

مراحل ترقي الـ HR

مجال الـHR  دلوقتي بقا من أكتر المجالات المطلوبة فى سوق العمل وبقا يتردد عليه كتير من حديثى التخرج واللي حابين يتخصصوا فى وظيفة ليها مستقبل ومسار وظيفي واضح. من خلال المقال ده هنساعدك تعرف كل اللي بيتعلق بالسلم الوظيفي للموارد البشرية، مراحل التدرج الوظيفي للـ HR، بالإضافة إلى ترتيب وظائف الموارد البشرية ومهامها.

السلم الوظيفي لإدارة الموارد البشرية

إدارة الموارد البشرية بتكون من مجموعة من الوظائف المختلفة، كل وظيفة بتختلف من حيث المهام المطلوبة منها، بالإضافة إلى مستوى الخبرة والمسؤليات الموكلة ليها. فى السطور اللى جاية هنأخدك خطوة بخطوة، من بداية تعينك كحديث تخرج فى مجال الموارد البشرية ومسماك الوظيفي ساعتها يبقي اسمه ايه، لحد لما تكون مدير إدارة موارد بشرية بيتمتع بالكثير من الصلاحيات والنفوذ.

التدرج الوظيفي للموارد البشرية

 

  • الوصف الوظيفي للـ  HR Assistant

أول ما هتبدأ الشغل لما تتعين هتكون HR Coordinator / HR Assistant

بيعمل إيه بقى :

بيشارك فى التخطيط وإعداد البرامج التنفيذية لإدارة الموارد البشرية وبينفذها وبيسجل جميع قرارات التعيين والفصل والإستقالات والأجازات وبيعمل كشوف الترقيات والمرتبات ومسئول عن حفظ ملفات العاملين وبيكتب تقارير التقييم السنوية ومسئول عن متابعة الحضور والإنصراف والغياب للموظفين .

وبعد كده بيترقى HR Specialist 

 

  • الوصف الوظيفي للـ HR Specialist

وده بيكون متخصص فى وظيفة أو أكثر زى التدريب أو التوظيف أو التقييم وممكن الـHR Specialist يتسمى باسم التخصص أو المهمة اللى بيعملها زى :

  • HR Recruiter  :  وده بيكون مسئول عن الإختيار والتعيين
  • Training & :HR Developmentوده بيكون مسئول عن التدريب وتطوير مهارات العاملين
  •  HR Compensation and Benefits Specialist: وده مسئول عن المزايا والتعويضات 

 

  • الوصف التوظيفي للـ Senior HR Specialist

وبعدين Senior HR Specialist وده بيبقى بنفس إختصاصات الـ HR Specialist بس بيكون معاه صلاحيات اكتر لأنه بيكون المدير المباشر ليهم

وبعد كده هتكون HR Supervisor وده مشرف موارد بشرية وهو اللى بيشرف على الـ Orientation و الـ applicant interviews و الـ Retirement Workshop والتواصل مع الإدارات الاخرى بغرض تقديم المعلومات والمساعدة وبينسق عملية التوظيف وهو اللى بيقيم البرامج التدريبية.

 

  • الوصف التوظيفي للـ HR Assistant Manager

وبعد كده هتبقى HR Assistant Manager وده بقى مساعد مدير الـ HR

وده مسئول عن عمل الوصف الوظيفى لكل الوظائف وبيتابع تقييم الاداء وبيعمل ميزانية الاجور وبيختار المقبولين فى الوظائف وبيتابع التطورات فى سوق العمل وبيشرف على برامج التدريب للموظفيين وهو المسئول عن كل الوظائف بقى بتاعه HR

 

  • الوصف التوظيفي للـ Senior HR Manager والـ HR Director

و بعدين هتترقى بعد كده وتبقى Senior HR Manager وده كبير مديرين الـHR  وبمجهودك وشطارتك هتبقى بإذن الله HR Director وده مدير إدارة الموارد البشرية 

وهو بيقدم التوصيات لباقى الإدارات وبيقيم وبيشارك فى تنمية مهارات الموظفيين وبيحضر إجتماعات مجلس الادارة وبيشرف على كل اللي إتكلمتنا عليهم علشان يضمن تطبيق سياسات الشركة وهو اللى بيشرف على وضع الميزانية .

طبعاً مراحل الترقي ده كلها بتكون في كبرى الشركات أما الشركات المتوسطة والصغيرة بيكون فيها الـ positions أقل من كده ...

لو حابب تدرس HR سجل معانا في كوريس " إدارة الموارد البشرية " للمحاضر حسام الدين جمال إستشارى إدارة موارد بشرية فى العديد من الشركات ...

سجل دلوقتى على اللينك ده 

http://bit.ly/academ-signup

وخدمة العملاء هتتواصل معاك وتوضحلك كل إستفساراتك 

 

شارك المقال :