| أكاديمية اعمل بيزنس

تعتبر وظيفة الـ HR واحدة من الوظائف المطلوبة بقوة في السوق المهني، مع ذلك لسه في ناس كتير ما تعرفش ايه هي المستويات الإدارية فيها، وأيه المسميات الوظيفية المتاحة، وازاي اقدر اترقي من وظيفة لتانية وايه هو المطلوب مني؟

في المقال ده هنساعدك عشان تعرف المستويات الإدارية الموجودة في قسم الموارد البشرية hr department وايه هي المهام اللي بيتميز بيها كل وظيفة كالآتي:

دورة الحياة المهنية لمسؤول الموارد البشرية human resources processes

hr coordinator مهام

أول ما هتبدأ الشغل لما تتعين هتكون HR Coordinator / HR Assistant ممكن نقول أن hr coordinator job description بتكون فى التخطيط وإعداد البرامج التنفيذية لإدارة الموارد البشرية وبينفذها وبيسجل جميع قرارات التعيين والفصل والإستقالات والأجازات .

hr coordinator بيكون مسؤول عن إدارة شئون العاملين وتنظيم كشوف الترقيات والمرتبات بالإضافة لحفظ ملفات العاملين وبيكتب تقارير التقييم السنوية ومسئول عن متابعة الحضور والإنصراف والغياب للموظفين .

وبعد كده بيترقى ويبقي:

HR Specialist

وده بيكون متخصص فى وظيفة أو أكثر زى التدريب أو التوظيف أو التقييم وممكن يتسمى باسم التخصص أو المهمة اللى بيعملها :

Recruiter

وده بيكون مسئول عن فحص السير الذاتية اللي بيتم إرسالها واختيار الأنسب منهم لحضور الإنترفيو وعمل المقابلة الشخصية معه، وبناء على الاسئلة اللي بيسألها بيقدر يوصل للمتقدم أو الشخص المناسب الي يقدر من خلاله يملئ الفراغ في الوظيفة الشاغرة

Training & Development

وده بيكون مسئول عن التدريب وتطوير مهارات العاملين وبيكون عنده مهارات إضافية وخبرة علمية وعملية في التدريب بتساعده أنه يلهم المتدربين ويطور من مستواهم بسهولة، وده كله من خطة تطوير مستمرة بيكون هو اللي مخطط لها.

Compensation and Benefits Specialist

وده مسئول عن المزايا والتعويضات اللي بتقدمها الشركة للموظفين، وبيلجأ فيها لمؤشرات قياس الأداء اللي بتساعده عن تحديد مستوى تطور الموظفين وقياس المواقف اللي أنخفض أدائهم فيه ولازم ياخد موقف حاسم عشان يساعد في تقويم نفسهم ويرجعوا لنشاطهم تاني.

كمان الوظيفة دي بتساعد قسم الموارد البشرية انه يكون أقرب للموظفين وده عن طريق أنه بيمنحهم مزايا مالية وإجتماعية خاصة بتساعدهم انهم يرتبطوا بالشركة أكتر ويكونوا أولياء لهيا بشكل أفضل

Senior HR Specialist

وده بيبقى بنفس إختصاصات الـ HR Specialist بس بيكون معاه صلاحيات اكتر لأنه بيكون المدير المباشر ليهم

يعني مثلًأ اللي بتولي الوظيفة دي بيكون مسؤول عن إجراء المقابلات مع اللي مستواهم متوسط فما فوق، وإدارة الرواتب بشكل أكثر تفصيلًا، ومراجعة أداء الموظفين ووضع خطة لتدريب الموظفين الجدد ومساعدتهم على الإندماج مع باقي الموظفين في البيئة الجديدة.

من مهام Senior HR Specialist برضوه انه يحفظ ويضمن وجود سجلات خاصة للعاملين بالمؤسسة، بالإضافة لضمان امتثال العاملين للوائح وسياسة الشركة وتنفيذ الإجراءات التأدبية إذا لزم الأمر.

HR Supervisor

وده مشرف موارد بشرية وهو اللى بيشرف على الـ Orientation و الـ applicant interviews و الـ Retirement Workshop والتواصل مع الإدارات الاخرى بغرض تقديم المعلومات والمساعدة وبينسق عملية التوظيف وهو اللى بيقيم البرامج التدريبية

HR Supervisor بيكون برضوه مسؤول عن ترتيب الدورات التدربية مع جميع الإدرات وعمل ورش تنشطية للعمل ومساعدة المديرين إنهم يديروا الموظفين الجدد بطريقة صحيحة وصحية للعمل.

ممكن في بعض المواقف يدخل ويقوم بإجراء مقابلات شخصية لكن ده بيكون مع الحالات اللي بتقدم لمناصب بتطلب خبرة كبيرة أو مناصب إدارية كبري.

بجانب الأدوار دي، بيهتم HR Supervisor برضوه بإنه يقدم المشورة للموظفين في الحالات الخاصة بساسات الشركة أو الإجراءات التابعة للموارد البشرية.

HR Assistant Manager

وده بقى مساعد مدير الـ HR وده مسئول عن عمل الوصف الوظيفى لكل الوظائف وبيتابع تقييم الاداء وبيعمل ميزانية الاجور وبيختار المقبولين فى الوظائف وبيتابع التطورات فى سوق العمل وبيشرف على برامج التدريب للموظفيين وهو المسئول عن كل الوظائف بقى بتاعه HR

و بعدين هتترقى بعد كده وتبقى Senior HR Manager وده كبير مديرين الـHR

وبمجهودك وشطارتك هتبقى بإذن الله HR Director وده مدير إدارة الموارد البشرية

وهو بيقدم التوصيات لباقى الإدارات وبيقيم وبيشارك فى تنمية مهارات الموظفيين وبيحضر إجتماعات مجلس الادارة وبيشرف على كل اللي إتكلمتنا عليهم علشان يضمن تطبيق سياسات الشركة وهو اللى بيشرف على وضع الميزانية .

طبعاً مراحل الترقي ده كلها بتكون في كبرى الشركات أما الشركات المتوسطة والصغيرة بيكون فيها الـ positions أقل من كده ...

عالم إدارة الموارد البشرية والوظائف اللي فيها وتخصصات كل وظيفة منهم شاسع ومحتاج أكتر من مقال عشان تقدر تستوعب مسؤوليات وواجبات كل مهمة وايه حدود واختصاصات كل مسمى وظيفي منه.

وبالرغم من كده احنا قدرنا نوفرلك قسم كامل للموارد البشرية تقدر من خلاله تتعلم كل اللي انت محتاجه حتى لو مبتدأ أو ماتعرفش أى حاجة عن المجال.

القسم بيحتوى على كورسات في 3 مستويات، المستوى الأول للمتبدئين، المستوى الثاني المستوي المتوسط، والمستوى الثالث المتقدم، وهو موجه لتأهيل الكوارد للمناصب الإدارية العليا.

تقدر تستفاد برضوه من الدبلومة الشاملة للموارد البشرية اللي بتقدمها أكاديمية إعمل بيزنس، واللي من خلالها هتقدر تجمع كل المعلومات اللي انت محتاجها عشان تكون مش مجرد HR شاطر وبس، لا تكون HR متكمن وخبير وقادر أنه يدير فريق ويخليه كلهم من النجوم اللي قادرين يحملوا شعلته بنجاح.